Cofnod Amgylchedd Hanesyddol Ymddiriedolaeth Archaeolegol Morgannwg-Gwent
Ymholiadau
Os hoffech gael mwy o wybodaeth am unrhyw rai o'r safleoedd rydych wedi dod o hyd iddyn nhw ar Archwilio, neu os oes gennych unrhyw ymholiad arall sy'n ymwneud â Chofnod Amgylchedd Hanesyddol, llenwch y ffurflen ymholi a'i hanfon trwy e-bost i her@ggat.org.uk neu postiwch hi atom yn Ymddiriedolaeth Archaeolegol Morgannwg-Gwent, Ty Heathfield, Heathfield, Abertawe, SA1 6EL.
Mae'r Ymddiriedolaeth yn derbyn grantiau i ganiatáu iddi ddarparu gwybodaeth yn rhad ac am ddim i ymchwilwyr preifat neu academaidd ac i gyrff lleol a chenedlaethol. Fodd bynnag, os yw ymholiadau'n fasnachol eu natur, efallai'n ymwneud â materion datblygu neu gynllunio, yna codir tâl. Nid yw cronfa ddata Archwilio yn addas i'w defnyddio ar gyfer ymholiadau masnachol.
Gofynnir i bawb sy'n gwneud ymholiadau ddarllen a derbyn yr Amodau Defnyddio a Chanllawiau Ymddiriedolaethau Archaeolegol Cymru ar Fynediad a Chodi Tâl. Mae perchnogaeth hawlfraint yn berthnasol ar gyfer copïo ac, mewn rhai achosion, bydd angen ymgynghori â deiliad yr hawlfraint cyn gellir rhyddhau deunydd. Cyn rhyddhau data CAH, mae'n rhaid i ddefnyddwyr lofnodi Ffurflen Ymholi CAH a Datganiad Hawlfraint.
Ymweld â'r CAH
Neu gallwch ymweld â'r CAH yn bersonol, ond gofynnwn ichi drefnu apwyntiad ymlaen llaw. Darperir gweithfan gyhoeddus yn benodol at y diben, gyda mynediad i'r cofnod digidol a mapiau. Bydd staff wrth law i gynorthwyo ag unrhyw ymholiadau ac i ddod â chofnodion papur. Mae mynediad hefyd ar gael i'n harchif adroddiadau a llyfrgell gyfeirio fach.
Llofnodi wrth Gyrraedd
Mae gofyn i ymwelwyr â'r CAH lofnodi yn y dderbynfa. Oherwydd rhesymau'n ymwneud â diogelwch, rhaid cadw pob ambarél, bag a chês dogfennau yn y dderbynfa ddiogel a pheidio â mynd â nhw i ystafelloedd Chwilio/Astudio'r CAH heb ganiatâd ymlaen llaw.
Cyfleusterau Defnyddwyr
- Mae maes parcio â mannau parcio ar gyfer ymwelwyr ar gael y tu blaen i safle'r Ymddiriedolaeth
- Mae tai bach i'w cael ar lawr gwaelod yr adeilad
- Mae ystafell chwilio dan oruchwyliaeth, gyda chyfleusterau TG, ar gael i'r rheini sy'n hen law ar ddefnyddio'r CAH. I ymholwyr sy'n anghyfarwydd â'r CAH, mae staff ar gael yn benodol i roi cyfarwyddiadau ac arweiniad
- Mae cyfleusterau cynhadledd ar gael ar gais
- Taflenni gwybodaeth rhad ac am ddim
- Mynediad dan oruchwyliaeth i Lyfrgell Gyfeirio CAH sy'n cynnwys casgliadau o amrywiaeth o lyfrau a chyfnodolion archaeolegol lleol
- Mae cyfleusterau argraffu a llungopïo ar gael
- Mae gan swyddfeydd GGAT fynediad i'r anabl, ac mae'r holl gyfleusterau CAH ar lawr gwaelod yr adeilad. Mae staff dynodedig hefyd wrth law i roi cefnogaeth a cymorth i wneud yr adeilad yn hygyrch. Yn anffodus, nid oes gan swyddfeydd yr Ymddiriedolaeth gyfleusterau ty bach i'r anabl ar hyn o bryd. Yn unol â Deddf Gwahaniaethu ar sail Anabledd 2004, mae GGAT wedi ymrwymo i fynediad i bawb a bydd yn gwneud newidiadau rhesymol i ddarparu gwasanaeth cyfartal i bob defnyddiwr
Oriau agor:
Mae'r CAH ar agor i'r cyhoedd trwy apwyntiad rhwng 10.00 ac 1.00 a rhwng 2.00 a 4.00 o ddydd Llun i ddydd Gwener. Rydym ar gau ar Wyliau'r Banc.
Mynd i brif wefan GGAT yn www.ggat.org.uk
Chwilio cofnodion Ymddiriedolaethau Archaeolegol eraill Cymru www.archwilio.org.uk